“Imamët në rrugën e drejtë”

Imam Buhariu

Film Artistik

Përgjatë 90 minutave të këtij filmi artistik që vjen psesë e serisë “Imamët në rrugën e drejtë” do të shohim detaje nga jeta e dijetarit më me peshë në historinë Islame, i cili ka qenë njëri prej shkaqeve për t`u ruajtur Islami ashtu si ka zbritur, i njohur si Imam Buhariu.

Muhammed ibn Ismail el-Buhariu u rrit në shtëpi të ndershme dhe me plotë dituri, ngase i ati i tij ka qenë prej dijetarëve dhe prej transmetuesve të hadithit. Si i ri filloi mësimin e tij nëpër dijetarët e vendit të tij dhe përparonte shumë shpejt, sidomos në shkencën e Hadithit.

Udhëtimet e tij nëpër qendrat e diturisë u shtuan shumë, gjithë këtë e bënte për të kërkuar diturinë nga më shumë dijetar, Prej vendeve që ka kërkuar dituri janë: Meke, Medine, Sham, Egjipt, Harran, Musil, Basra, Kufe, Bagdad, Horasan, Irak etj. Udhëtimi i tij nëpër këto vende i bëri shumë dobi sepse ai ishte i zellshëm gjatë kërkimit të diturisë, meditonte çdoherë dhe e përsëriste atë që e kishte mësuar.

Dijetarët prej të cilëve përfitoi janë shumë, ngase kishte udhëtuar në shumë vende, ashtu që ka dëgjuar dhe ka shkruar nga mbi 1080 dijetarë.
Prej nxënësve në të njohur të tij janë: Ebu Husejn, Muslimi ibn Haxhxhaxh, Tirmidhiu, Nesaiu, Ebu Hatem, Ebu Zur`ah, Ibn Huzejme dhe tjerë.
Ibn Ebi Shejbe ka thënë: “Nuk kemi parë asnjëherë sikur Buhariu”

Ibn Huzejme ka thënë: “Nën këtë Qiell nuk kam parë njeri më të ditur në hadith dhe me memorie më të fortë se sa Muhamed ibn Ismail el-Buhariu”
Dijetarët kanë thënë se nuk është çudi se i ka ditur hadithet saktësisht, çudi është se në moment i ka mësuar edhe hadithet që i kanë thënë ata.
Libri me të cilin u bë i njohur si imam i fesë është Sahihul Buhariu, në të cilin ka përmbledhur hadithe të Resulullahut a.s. Të gjitha hadithet në këtë libër janë të vërteta. Dijetarët kanë thënë se libri më i vërtet pas Kur`anit është Sahihu i Buhariut.

Filmi është në gjuhën arabe i përkthyer me titra në gjuhën shqipe